Un proxecto nacido da paixón polo fútbol sala.

O Sport Sala F.S. fundouse en Culleredo no ano 2016, impulsado por Iago Socastro, Iván ("Manitas"), Nandi e Óscar: catro persoas vencelladas ao fútbol sala e unidas por unha paixón común e o desexo de crear algo propio. A experiencia de Iago como antigo xogador profesional complementou a traxectoria e os coñecementos de todo o grupo.

Desde o principio, tivemos claro que o club debía construírse desde a base. Por iso, a formación de canteira converteuse nun alicerce fundamental do noso proxecto, creando un espazo onde nenos e nenas puidesen descubrir o fútbol sala, aprender e medrar nun ambiente de equipo.

Pero medrar tamén significa aspirar a acadar novas metas.

Co paso dos anos, o Sport Sala F.S. desenvolveu un proxecto que equilibra a formación coa competición, acompañando aos xogadores desde os seus primeiros pasos e ofrecendo un escenario de maior esixencia para aqueles que desexan progresar.

Medramos en número de equipos, categorías e retos deportivos, chegando a competir a nivel nacional e participando en fases de ascenso e torneos como a Copa do Rei.

Tamén vimos como xogadores que comezaron connosco seguían medrando noutros clubs e acadando novos fitos; xogadores como Charly.

Unha década despois, seguimos comprometidos coa mesma visión que tiñamos o primeiro día:

Construír un club desde a base, medrar xuntos e competir ao máis alto nivel.

Porque o Sport Sala F.S. é máis ca un equipo.

É un proxecto construído por xogadores, adestradores, familias, colaboradores e empresas que cren no deporte e fan posible que sigamos avanzando.